في لحظة مؤثرة، انهار الفنان السوري عبد الحكيم قطيفان بالبكاء وهو يتحدث عن سنوات الاعتقال القاسية التي قضاها في سجون النظام السوري، والتي استمرت لتسع سنوات من الغياب والألم.
قال قطيفان بحرقة: "انحبست 9 سنين، وبالفترة الأولى أهلي ما كانوا بيعرفوا وين صرت. دقّوا أبواب كل الفروع والسجون وما حدا عطاهم جواب."
وتابع، مسترجعاً أصعب اللحظات: "أول زيارة إجتني عالسجن، كانت أمي وأبي وعمتي، التلاتة راحوا اليوم.. الله يرحمهم. أمي لما شافتني أول مرة بس قالت: 'يا يمّه يا حبيبي' وغميّت."
وأضاف: "رجعت أجتني زيارة، وغميت أمي تاني.. وثالث مرة كمان نفس الشي.. وأنا كل مرة تخلص الزيارة، أقعد أبكي مثل الطفل."
واختتم قطيفان حديثه بحرقة: "أمي وأبي تعذبوا كتير مشاني، ودفعوا تمن كبير. رحلوا بكير، وأنا ما قدرت حتى أوقف على قبورهم، ولا أقرالهم الفاتحة."
اعترافات الفنان قطيفان أثارت تفاعلاً واسعاً، وفتحت الباب للحديث عن معاناة آلاف المعتقلين والمغيّبين في سجون النظام السوري، والآثار المدمرة التي تتركها هذه التجارب على الضحايا وعائلاتهم.
